An Naradiya Purana (Sanskrito: नारदीय पुराण, Naradiya Purana) o Narada Purana (Sanskrito: नारद पुराण), an duwang tekstong Vaishnavismo na nakasurat sa tataramon na Sanskrito. An saro sa teksto inaapod man na Major Purana, na pig-aapod man na Mahapurana mantang an saro pa inaapod na Minor Purana (Upapurana), inaapod man na Brihannaradiya Purana.[1][2]
Bakong arog kan kadaklan na Purana na ensiklopediko, an tekstong Brihannaradiya (80%) nasesentro sa pagsamba ki Vishnu, mantang an tekstong Naradiya kompwesto nin 41 kapitulo (20%) sa pagsamba ki Vishnu asin an ibang mga kapitulo (80%) nasasakupan an mahiwas na tema kabali an dakulang kompilasyon kan Mahatmya (giya sa pagbyahe)[3] pasiring sa mga templo asin lugar sa may gilid kan salog na Ganga asin sa kataraid na mga rehiyon.[2][4]
Bisto an Naradiya Purana sa pagdedikar nin desiotsong kapitulo sa iba pang Puranas, sarong bilog na kapitulo na sinusumaryo an lambang mayor na Purana.[5] Bisto man ini sa mga bersikulo kaini na pigrurukyaw an Budha sa kapitulo 1.2.[6]
© MMXXIII Rich X Search. We shall prevail. All rights reserved. Rich X Search